قصيدة حب و وفاء

لجل جابر ننتحب والدمع يمشي نهر
.......................ينبكي ذاك الامير مافي مثله ياكرام

جابر اللي سيرته مسك مع ورد وعطر
.........................لو اقول جابر يفوح العطر زهر وخزام

جابر الحر الكريم فعله علاه وكبر
..........................من تواضع يابشر يكبر بعين الأنام

ضحكة عيونه سلام يشبه بوصفه القمر
......................هو واحد في البشر نوره يزيح الظلام

مبتسم والله عطاه زين في كل الصور
................يعكس الخافي صفاه روح ممزوجه بسلام

بالتواضع والتسامح ملك أرواح وأمر
...................عشقته كل القلوب واهدته أصدق غرام

جعل روحه في الجنان حور والسندس خضر
...............وندعي بالرحمة تجيه قد مـن صلـى وصـام

ولو بكت ارض الكويت تبكي بشموخ وفخر
...................ولو حزن شعب الكويت حزننا مثله تمام

هذا إحساس في قصيد والمشاعر ياكثر
....................الفراق اصعب قدر خنجر بوسط العظام

الصبر ثم الصبر والله من عنده الأجر
....................والصبر آآآه يالصبر والمشاعر في انهزام

نطلب الله الرحيم قادر يطفي الجمر
.....................يأجر الله الرحيم .والبكى ماهو حرام

لو ابكتب ايش أقول ألف حسره ياشعر
........................ما نوفيه بقصايد وألف حسره ياكلام