فل الحجاج

فل الحجاج
إضحك وأنا بضحك معك دوم يازين .. ياقلهم من يضحكون بزمنا
فل الحجاج ودور الزين لا الشين .. خل السعد فالك وأنا معك حنا
وإرم الهموم اللي تحمل كما الدين .. اللي بها قاس الزمن قد طعنا
وحسب جروحك من قريب وبعيدين .. وحدد نهايه لوعتك يالمحنا
ثم إنطلق في رحلتك مع عزيزين .. اللي بها الأفراح مايزعجنا
اللي ليا غابوا دقايق عن العين .. بغيابهم عقلك خطيرٍ يجنا
اللي لهم دايم تقول الرفيعين .. وعن بآقي العربان إبهم معنا
اللي لهم تدفع حياتك على الدين .. وهمه عن غيرك ترى ماسألنا
اللي بهم طبع الوفاء للحميمين .. وعيونهم على الحميم إسهرنا
اللي ليا قالوا لقولٍ صديقين .. ودوم السراحه مابها أي ضنا
اللي لك المبداء وتاجك عن البين .. ودامهم حيين ماخفت جنا
ناسٍ معك فرحا ولوهم شقيين .. وتفرح ليا شافت محياك غنا
لأجل عيونك ماسألوا وين ومنين .. ولأجل عيونك اسألوا إلك وإلنا
خذ راحتك مادام في وسط قوسين .. وعليك حراس العيون وقفنا
غزال يلعب مايخاف الخسيسين .. وأهل الرديه عنه دوم يخسنا
معروف قدرك بين كل المسمين .. ولحدٍ هواجيسه عليك إدرجنا
الموت دونك ياشعار العفيفين .. ومن دونك الأرواح مايحسبنا

الشاعر :
فواز بن علي بن سريع الروقي